تاج

امتي الدنيا بتبقي حلوة ؟

* لما اشتري شوية كتب كتار واروح بيهم البيت ويتعبوني في شيلتهم طول السكة .

* لما اكون في المترو رايح العتبة عشان اشتري كتب من سور الازبكية - لما اكون بزور القاهرة -

* لما اقعد لوحدي اكل كشري في مطعم جحا فرع الدراسات .

* لما اساعد حد محتاجلي .

* لما حد يرشحني لدورة تدريبية او مؤتمر او مشروع جديد .

* لما اخلص ( لقاء / ندوة / اجتماع ) قلت فيه كلام كويس عجب الناس .

* لما اسمع اغنية حزينة بتفكرني بذكري قديمة .

* لما اخلص كتابة قصة او مقال او تدوينة جديدة .

* وانا بجهز عشان اروح احضر اجتماع مكتب شباب المستقبل .

* وانا في الميكروباص مروح بالليل بعد يوم شاق انجزت فيه حاجات كتيرة .

* وانا بقرأ العدد الجديد من سلسلة " ما وراء الطبيعة " للرائع د. احمد خالد توفيق .

كفاية كده النهاردة .