انا وكمبيوتر وزارة الداخلية

( نهار داخلي .. غرفة نومي وانا غارق في تاسع نومة بعد عودتي من السفر بساعات قليلة .. صوت هاتف في الخلفية يرن بشكل متواصل )
انا : الو
هو : الو .. استاذ محمود ؟
انا : ايوه يا افندم .. مين معايا ؟
هو: معاك فلان الفلاني من مباحث الاموال العامة
( اموال عامة!! غريبة .. هما الزملاء في الامن الوطني مش فاضيين ولا ايه ؟ ما علينا )
انا : اهلا وسهلا يا افندم ... خير ؟
هو : انت عضو في جمعية كذا تحت التأسيس ؟
انا : ايوه يا افندم .. فيه مشكلة في كده ؟
هو : اه انت عليك قضية عندنا .
انا : قضية ايه ان شاء الله دي ؟
هو : قضية سرقة
( سرقة يا ولاد الوسخة ... هزلت.. دا انا ايام مبارك كانوا بيتهموني بتشوية سمعة مصر في الخارج يجي السيسي ويطلعني حرامي .. ماشي يا بني آدميين
انا : حضرتك اكيد غلطان لاني معلييش قضايا لا زمان ولا دلوقتي .
هو : الكمبيوتر بتاعنا بيقول كده .
انا : طيب عموما ان بسافر بره مصر بشكل متكرر ولو في حاجة زي كده كان اتقبض عليا في المطار ثم اني موظف حكومي ولو عندي قضية من النوع ده كنت اترفت من شغلي لان دي قضية مخلة بالشرف زي ما علمونا في الكلية
هو : القضية دي قضية احداث انت عندك كام سنة .
انا : انا عندي 23 سنة يعني مش احداث خالص
هو : ايوه بس الكمبيوتر بيقول انه انت وورق الجمعية واقف عليك
انا : طيب ايه المطلوب مني عشان اثبت للبيه الكمبيوتر اني مش حرامي ؟
هو : تيجلنا مديرية الامن نعملك تحقيق اشتباه عشان نتاكد ان انت مش انت ؟
انا : حاضر عنيا الاتنين اول ما افضي هعدي عليكم
هو : طيب بسرعة يا ريت
انا : ان شاء الله .
- انا اتصادمت مع كل الرتب والدرجات اللي في الداخلية تقريبا بس الشهادة لله دي اول مرة اتخانق مع الكمبيوتر بتاعهم
‫#‏الداخلية_بلطجية‬ ‫#‏كمبيوتر_الداخلية_بلطجي‬ ‫#‏ايام_سوده‬