بخصوص الست هيفا وافلامها

في وطن العك
بخصوص الست هيفا وافلامها
1- استغلال الاطفال في مشاهد جنسيه مرفوض وفي اتفاقيات دولية بتتكم عن ده ... في اوربا والدول المتقدمة انت ممكن تعرض فيلم بورنو عادي بس لو فيه اطفال بيتم استغلالهم جنسيا هيتخرب بيت اهلك .
2- اما يطلع فيلم زي ده المفروض نعمل ايه ؟ نقدم بلاغ او نعمل حملة ضغط شعبي لمقاطعة الفيلم والطريقة دي نجحت في مصر بعد الثورة مع فيلم طلعت ذكريا اما الناس قاطعت الفيلم عشان اراء طلعت ذكريا في الثورة والثوار ... فيه طرق تانية كتير .
3- ان فيه موظف في الدولة اي كان رتبه اهله يعين نفسه وصي علي الشعب ويحدد له هو يشوف ايه وميشوفش ايه دي في حد ذاته كارثة وجريمة واعتداء علي حرية المواطنين ... هما مش قادرين يفهموا ان الشعب ده بلغ سن الرشد خلاص .
4- بلاش تتشنج وتقولي اني عاوز انشر الفساد في المجتمع ( قال يعني مجتمعنا نضيف ) ... بص ابعد من مكان رجليك لو سمحت .. البيه رئيس الوزراء منع الفيلم عشان فيه اسفاف وبيخالف العادات والتقاليد بكره ممكن يمنع اي فيلم سياسي او له وجهة نظر في قضية اجتماعيه عشان نفس الاسباب ... ممكن يمنع نشر كتب.. مقالات.. اصدار صحف حتي لنفس الاسباب وبعيدا عن القانون والقضاء بقرار اداري من سيادته .
5- الرقابة بكل اشكالها اصلا فكرة غبية مستحيلة التطبيق ... تحب اقولك ايه اللي هيحصل بعد قرار البيه رئيس الوزراء :
* الفيلم هينزل علي سيديهات ويتباع في كل رصيف في مصر بعد كم الدعاية المجانية الرهيب اللي حصله ده .
* الفليم هينزل ع النت وهيحقق نسب مشاهدة خرافيه .
* القنوات الفضائية هتتسابق عشان تذيع الفيلم اللي عمل الضجة دي كلها .
* السبكي هيكسب اضعاف ما كان بيخطط له وهيعمل دستة افلام زي ده .
‫#‏وطن_العك‬
.