اغتيال طبق كشري

ظل صامدا في وجه موجات الغلاء المتزايدة ....
ظل شامخا في وجه غزو الوجبات الامبرياليه التي ابتلعت ازواق المصريين ....
ظل لسنوات طوال الملاذ الامن لملايين المصريين من محدودي الدخل
فاتحا لهم احضانه لينسيهم بمزاقه العبقري بعض معانتهم في هذا الوطن ...
والان بعد الارتفاع الجنوني لاسعار مكونات الطبق الشعبي المصري الاول
اضطرت معظم مطاعم الكشري لرفع اسعاره
ليصبح هو الاخر حلم ضائع من احلام الفقراء

لك الله يا شعب مصر
وحاول ان تتعود علي الحياة بدون طبق كشري

تاج

ليه انا بحب وسط البلد ؟

- ليا فيها ذكريات كتيييير .

- فيها قهوة البرصة اللي كنا بنعد عليها انا واصحابي .

- اتعرفت فيها علي احلي شباب فيكي يا مصر .

- طول منت ماشي فيها- وخصوصا ع القهاوي - بتقابل العيال البوهميين وانا الصراحة بحب اتفرج عليهم أوي وكانهم من كوكب تاني .

- فيها حضرت اول حفل لايف في حياتي ( فريق بساطة وفريق جميزة علي مسرح روابط )

- فيها معظم مقرات مراكز حقوق الانسان المصرية... ذكريات باه ورش عمل وندوات واجتماعات وخناقات واكل امبريالي
- فيها حوالي 10 محلات كشري جامدين - اسمع اجدع سلام للحاج ابو طارق -

- بحب اتوه فيها موت - عن تجربة دي اجمل حتة انا تهت فيها -

- عشان انا مبحبش رجل البلد ولا راس البلد فطبيعي اني احب وسط البلد .