#GoodEgypt

الهاش تاج احدي اروع مميزات موقع التدوين المصغر (تويتر) حيث يستطيع عدد لا نهائي من الاشخاص المشاركة في انشاء قناة اعلامية حول موضوع معين باستخدام كلمة مفتاحية وعلامة الهاش (#) لينهوا بها تعليقاتهم ليستطيع اي شخص الوصل الي هذا التعليقات جميعا والتي تنتهي بنفس الهاش تاج بضغطة زر ..... طيب لنتجاوز هذه المقدمة المملة ولندخل في الموضوع ...منذ اسابيع اطلق قاطني تويتر احد احب الهاشتاجات الي قلبي وهو  #GoodEgypt حيث اتفقوا علي كتابة جملة عن شئ جميل في مصر وتزييلها بالهاش تاج المزكور وكانت من اروع حفلات توتير التي شاركت فيها وقلت اغلس عليكم واجيبلكم مساهماتي في الحفلة :
- اغنية قديمة لمحمد منير انت بتحبها وليك فترة مسمعتهاش وتلاقي حد مشغلها في كافيه انت قاعد عليه #GoodEgypt
- بيتنا التاني .... كشري جحا احسن محل كشري في صعيد مصر #GoodEgypt
- سور الازبكية وريحة الكتب القديمة والبياع اللي شاف الشنطة اللي في كتفك فافتكرني صيد سهل وممكن يثبتي بسهولة في الاسعار #GoodEgypt
- المدرس بتاعك في اعدادي اما تقابله وتكتشف انه لسه فاكرك ويسالك طب وانت وصلت فين دلوقتي ؟ #GoodEgypt
- لما تقابل واحد صاحبك مشفتوش من فترة طويلة بالصدفة في احتفالية في نقابة الصحفيين وتبقوا مبسوطين بالاحتفالية وباللقاء #GoodEgypt
- امك وهي بتقولك البيت كان فاضي من غيرك وانت راجع من السفر #GoodEgypt
- شوارع وسط البلد اللي بتوحشني وبوحشها لما اغيب عنها #GoodEgypt
- الحلاق بتاعك اللي بيفهم في السياسية وفي الكورة وفي الدين وفي الطب #GoodEgypt
- د.احمد خالد توفيق ومشوار نجاح بداناه معه ليتربع علي عرش كتاب الشباب في الوطن العربي #GoodEgypt
- لما تكون تايه وتلاقي حد جدع بيتبرع انه يوصلك للمكان اللي انت عاوزه رغم ان ده مش طريقه اصلا #GoodEgypt
- ابراهيم عيسي وكل رجالة الدستور #GoodEgypt
- زحمة المترو وانا راجع من سور الازبكية في العتبة وشايل يجي 50 كيلو كتب #GoodEgypt
- سواق التاكسي اللي مصر يسمعك نكت بايخة وقديمة لحد ما توصل المكان اللي انت رايحه #GoodEgypt
- وديييييييييييييييع و تهامي باشا و........ مدام رشا طبعا #GoodEgypt
- صاحبك اللي كل واحد فيهم في راح محافظة مختلفة وبتتقابلوا مرة كل سنتين #GoodEgypt
- ايام ثانوي اما كنا بنزوغ م الدروس الخصوصية #GoodEgypt
- قعدة البورصة في الشتا والبرد مخلينا بنتكتك #GoodEgypt
- انت راجع متأخر بالليل وابوك كالعادة بيهزقك #GoodEgypt
- طبق الكشري مع اصحابك في توم اند بصل وانت اللي هتحاسب طبعا #GoodEgypt
-  منظر البيوت الغافية في الظلام علي جانبي الطريق وانا راجع بالليل متأخر في الميكروباص #GoodEgypt

حول كرامتنا المزعومة

تناقلت المنتديات ومواقع التواصل الشهيرة موضوع حلقة الكوميك الكويتي التي تسئ لسمعة مصر وفور نشر الموضوع تسابق الجميع في شتم الكويتين وتضامن بعض الاخوة العرب مع المصريين وخصوصا المغاربه حيث سبق ان اتهم نفس المسلسل بالاساءة للمملكة المغربية وراينا علي المنديات سيل لا ينقطع من البذاءات وتحولت الصفحة الرفوع عليها الفديو علي اليوتيوب الي مستنقع ,ادعوكم لمشاهدة الحلقة الان ثم اعلق علي نعلق علي القضية سويا :

اولا بالنسبة للفديو نفسه : 

- فقط لنكن موضوعيين الفديو يتحدث عن زواج المصريات من عرب لمدة محددة مقابل مبلغ من المال ومشكلة الاطفال الناتجين ن هذه الزيجة وهي مشكلة واقعية وتجارة رائجة في العديد من القري الريفيه لمحافظات الجيزة و6 اكتوبر وهي ايضا ظاهرة قديمة وليست بالجديدة بدأت بعد موجه الهجرة الجماعية للصريين لدول النفط لكسب الرزق وسبق كذلك تقدمها في عدد من الاعمال الدراميه والادبيه المصريه .
- يظهر بالفديو المضايقات التي يتعرض لها العرب وخصوصا الخليجيين في مصر من قبل المتسولين واصحاب المحال التجاريه وهي ايضا حقيقة ظاهرة لكل زي عين ولا يستطيع احد انكارها .

ثانيا في شأن كرامتنا المزعومة :

الي كل الغاضبين والساخطين والشاتمين .... اذا كنتم تظنون ان الكوميك الكويتي هو الذي اثار كرامتكم وجرحها فماذا عن الاهانات التي توجه كل يوم وتسكتون عليها اتحبون ان اعدد لكم كم اهانة قد يتعرض لها كلا منك يوميا ام ستتهموني بالاساءة لسمعة مصر بدوري ...ايها السادة لا تتحدثوا عن الكرامة بعد ان فرطتم فيها لنظام يذيقكم الذل الوانا كل يوم ويتباري في نشر اشلاء كرامة امة باكملها , واذا ضايقكم ما رايتموه في الفديوا فاقضوا علي هذه الظواهر اولا ثم تحدثوا عن كرامتكم .

ثالثا واخيرا :

ضايقني جدا نغمة الرد التي اتبعها المصريون في هذه القضية فقد تباري المصريين في التعالي عن خلق الله كاننا مجموعة من الملائكة وغيرنا حيوانات فنحن من علم الكويتيين ونحن من اطعمهم ونحن  ونحن ونحن حتي ظننت انهم سيقولون ونحن من خلقهم , دعك طبعا من مستنقع الالفاظ القذرة المستخدة في كل نقاش يدور حول هذا الموضوع .