حداد: الذكري الثانية لحرب غزة

عيد ميلاد عاشق مصر صلاح جاهين

على اسم مصر

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
***********

ومن غير صلاح جاهين بقادر علي حب مصر بهذا الابداع
من غير الشاب الذي عمره الف عام والذي يعيش وحيدا رغم ان بين ضلوعه زحام

مع مثله نحتفل بذكري رحيلهم ومع جاهين نحتفل بذكري ميلاده كل 25 ديسمبر
 لان جاهين ماذال يعيش ليس معنا ولكن يعيش بداخلنا
فجاهين هو الذي كتب ما يريد كل منا ان يقوله ولا يعرف كيف
هو الذي خاطب الفلاح البسيط في حقله والمثقف في برجه العاجي
الاثنان - رغم الفارق- استمتعوا بنفس القدر بكتابات جاهين وابداعاته
كل سنة وانت طيب ... كل سنة وانت عايش جوايا وجوا كل المصريين

عين ميشيل حنا الحديدية

د.ميشيل حنا

اطلق الكاتب الجميل د.ميشيل حنا مدونة جديدة تنتمي لمدونات الصورة Photoblog واسماها العين الحديدية تيمنا بعدسة الكاميرا- رغم ان العدسة معظمها بلاستك وزجاج- وهي ككل شغل حنا رائعة .....  ادعوكم جميعا لزيارتها والتمتع بعدسة فنان بحق .

مدونة العين الحديدية  

قناة النيل - لا مؤاخذة - الثقافية

طيب وايه اللي يخلي واحد ابن ناس ومحترم زي حلاتي - شايفك ياد ياللي بتضحك ورا انت-  يشوف قناة النيل الثقافية ... اقولكم .... اصل انا ليا واحد صاحبي جدع اسمه عبدالله مجدي وهو - منه لله اللي كان السبب - كان مستضيفينه في برنامج  كده اسمه IT حاجة و بيتذاع يوم الجمعة الساعة 3 العصر وطبعا عشان عبدالله صاحبي وعشان هيطلع يتكلم عن مشروع اشتغلنا فيه سوا فقلت اعمل باصلي -  واخد بالك انت ياللي ف بالي- واتفرج عليه ... نهايته ظبطت منبه الموبيل عشان يفكرني بالمعاد مهو يعني مش كل يوم هشوف واحد صاحبي في التلفزيون لا وايه فضائي يا معلم عشان الدول الشقيقية والصديقة تتفرج علينا .... المنبه رن قمت دورت ع القناة وتعبت ع بال ما لقيتها لاني عمري ما غالطت نفسي واتفرجت عليها من ساعة ما اغتنينا وجبنا الدش ,نهايته لقيت القناة ولقيت البرنامج بدء وعبدالله وواحد زميلنا تاني قاعدين مع البيه المذيع ... قعدت انا كمان عشان استمتع باللقاء حاولت اتغاضي عن الديكورات التي تعود لبدايات اختراع الاستديوهات التي زين بها البرنامج وقلت عادي يمكن زوقي الفني فسد او خد اجازة - مش النهاردة الجمعة برضه - فجأة لقيت الصوت علي جدا دورت ع الريموت عشان اظبطه لقيته اتعدل- دا مرعب باه وانا مش واخد بالي- شوية والصوت ضعف جدا ودورت ع الريموت عشان اشوف - واضح اني مش مرعب ولا زفت- واتكرر الموضوع ده يا معلم اكتر من مرة طول الحلقة ... هماا اخوانا البعدا مسمعوش عن حاجة اسمها انظمة الصوت الرقمية ... طيب حاولت انسي كل ده وقلت ضعف امكانيات وحاولت اركز مع الواد المزيع ويا ريتني ما ركزت .... اموت واعرف انهي زريبة اعلام اللي طلعت ده دا حتي معلمهوش ادب الحوار العادي وان عيب تقاطع ضيوفك كل ما يتكلموا بالشكل البشع ده وتحاول تفرض عليهم كلامك عشان يقولولك امين ... دا غير نطقه لبعض الكلمات الانجليزية والعربية بلكنات اجنبية ... يا عيني البيه بيستعرض قدراته اللغوية علينا طيب ... شوية وبدات التلفونات ... نفس الحوار الغبي المذيع بيقاطع المتصلين بشكل فج ووقح وكانه مأجرهم - بفلوسي يا جزم اخلصوا وقلولوا الكلمتين اللي انا عاوزهم وبلاش استنصاح- ويا عيني عبدالله وزميله قاعدين مش عارفين يعملوا ايه في الكائن ده .... بشكل لا شعوري سرحت منهم وقلت مش غريب علي بلد زي مصر وصلنا فيه بالمثقفين الي الحظائر - واسمع احلي سلام  للفنان الدكتور الاستاذ الوزير فاروق حسني - ان يكون ده حال القناة الناطقة باسم الثقافة والمثقفين ولكن اللي تعبني اكتر ان المذيع المتخلف ده وامثاله  بياخد مرتبه من الضرايب اللي انا وانتو بندفعها ..... شوية ورجعت من سرحاني لقيت نفس الحوار زي ما هو ... انا راجل صاحب عيا ومرارتي مبتستحملش سيبت التلفزيون وقمت ويا رب عبدالله يسامحني .

الجزمة وولاد الجزمة

احمد عز اثناء خروجه من صلاة الجمعة .... حرما

سمعت اخر فتوي؟

حقيقتا لم استغرب الفتوي التي اطلقها احد السلفيين باهدار دم د.محمد البرادعي   فقد سمعت منهم ما هو اشد واقذر ولا استغرب عليهم شئ لكن ما استغربته هذه المرة للامانة هو ان مطلقها كما ادعي هو  حاصل على “ليسانس شريعة –دبلوم في الدعوة ” اعرف ان الازهر انحدر ولكني لم اك  اظن ان انحداره قد وصل لهذه الدرجة .
( ......... وختم الشيخ محمد عامر فتواه التي اصدرتها  جمعية انصار السنة المحمدية بالحيرة  بالقول: "الرئيس مبارك هو حاكم البلاد الشرعي ومنازعته لا تجوز شرعاً وعقلاً وواقعاً فمن جاءنا يريد أن يفرق جمعنا في مصر فالحديث واضح فاقتلوه كائناً من كان، وهذا فهمي للحكم الشرعي في هذه المسألة " )
شرعي مين يا يا اسطي وبامارة ايه ؟ مش قادر اعلق عشان بجد لو اتكلمت هقول كلام يعاقب عليه القانون بس الموضوع اوضح من ان يتم التعليق عليه ... النظام يعاني  من حالة افلاس حقيقي ولم يعد يملك لمواجهة منتقديه الا شيوخ امن الدولة وصور اسامة سرايا التعبيرية .
ـــــــــــــــــــــــــــــــــــــــــــــــــــــــــــــــــــــــــــــــــــــــــ
تقرير CNN عن ادانة المنظمات الحقوقية للحدث
بيان الشبكة العربية لمعلومات حقوق الانسان عن الفتوي
نعليق المنظمة المصرية لحقوق الانسان عن الفتوي

سفالة تعبيرية

هذا نظام افلس تماما ولم يعد يملك من الاسلحة الا احطها ومن مبررات اليقاء الا البجاحة وعمد الي تسليط جرائده ومجلاته للنيل من كل من تسول له نفسه معارضته ... سحقا لكم ولصوركم التعبيرية اصبحنا بفضلكم اضحوكة الامم .