اغسل وشك والبس هدومك وتقل في اللبس عشان
الجو برد ... اتاكد ان البطاقة موجودة في المحفظة وانك اخدت معاك الورقة اللي فيها
رقم لجنتك الانتخابية .. خد مفاتيح البيت ومتنساش تبص علي محبس الغاز وانت نازل
عشان تروح لجنتك الانتخابية وتقول نعم للدستور .
انزل وقول نعم بس اما ربنا يكرمك ويجيلك التهاب كبدي وبائي وتتروح مستشفي حكومي عشان تعالجك مترضاش تصرفلك دواء وتقولك روح أتعالج علي حسابك أصلك من القادرين اللي بياخدوا 1500 جنيه في الشهر والدستور بيقولك العلاج لغير القادرين فقط.
انزل وقول نعم بس اما ظابط شرطة مخنس ياخدك القسم عشان شكلك مش عاجبه ويحتجزك 11 ساعة و 59 دقيقة من غير تهمة ولا امر ضبط وإحضار وميسمحلكش تكلم اهلك او تكلم محامي متجيش تشتكي ... الراجل بيمارس حق من حقوقه الدستورية .انزل وقول نعم بس أما الشرطة تدخل بيتك وتفتشه من غير إذن نيابة أو أمر قضائي وبعدين يقولك معلش اصله كان في حالة خطر في الشارع اللي جمب الشارع اللي وراكم متزعلش ... انه الدستور يا غبي .
انزل وقول نعم بس اما تلاقي دورية دقون في الشارع بتجري وراك بالسنج عشان ماشي مع خطيبتك مترحش القسم عشان تعمل محضر ... دول جماعة بيمارسوا حقهم الدستوري في تقويم المجتمع والحفاظ علي الطابع الأصيل للأسرة المصرية .
انزل وقول نعم بس اما تلاقي مرتبك له 10 سنين مش بيزيد فدا عادي صاحب الشركة اصله دارس قانون دستوري وبيطبق مبدأ ربط الأجر بالإنتاج .. انا عارف انك بتشتغل في شركة خدمية اصلا بس هو غلاسة وخلاص ونصيحة أخوية متفكرش تضرب عن العمل عشان أنت كده هتبقي ممتنع عن الانتاج وابقي قابلني باه لو خدت منه ابيض ولا اسود .
انزل وقول نعم بس لما مجلس النقابة بتاعتك يتحل عشان خطأ إجرائي في الانتخابات او انك تكون عامل مشاكل مع الناس اللي فوق ومتلاقيش تنظيم يدافع عنك ويقف في ضهرك متدورش علي حد عشان الدستور بيمنع التعدد النقابي .
انزل وقول نعم عشان نقدر نعرب العلوم يعني الطب والصيدلة هيبقوا بالعربي وهتبقي عنب يا معلم بس بعدين اما تروح للدكتور وتلاقيه بيعالجك بالأعشاب متتخضش هيعملك ايه يعني مهي كل الاكتشافات الطبية الجديدة اللي بيكتشفها الكفار الامريكان والأوربيين مكتوبة بالانجليزي .
انزل وقول نعم عشان الدولة تضمن التعليم المجاني بس ابقي قابلني لو عرفت تلزمهم بحاجة ... احنا قلنا نضمن يا استاذ محدش جاب سيرة الالتزام انت هتألف في الدستور كمان .
انزل وقول نعم عشان رئيس الجمهورية يبقي فرعون جديد لا راد لقضاءه ... عادي يعني انت مش طول عمرك بتقول علينا شعب فرعوني ايه المشكلة لما يحكمنا فرعون .
انزل وقول نعم بس متفكرش انك لو رحت تشتري دستة جاتوه من دار المدرعات واتخانقت مع الواد اللي بيلفلك الجاتوه عشان اداك كام حتة مفعصة ممكن الموضوع يعدي بسهولة ...ابسلوتلي دانت هتتحاكم عسكريا يا ملعم بتهمة التعدي علي منشات عسكرية والإضرار بالأمن القومي المصري وابقي خلي مني سيف تنفعك يا حلو .
انزل وقول نعم بس لما يبقي مرتبك 1500 جنية ومرتبك مدير الشركة 3 مليون جنيه متقرش عليه الراجل ملتزم بالحد الادني والحد الاقصي للأجور وسلملي علي الاستثناءات التي ينظمها القانون .
انزل وقول نعم بس لما السياحة تتأثر بدستور قندهار ده وعجلة الإنتاج المقدسة تفس متقلقش دلوقتي بابا خيرت وبابا المرشد هيجبلونا سياحة علاجية وسياحة دينية وسياحة حلال بدل السياح الكفار دول بس انت اصبر .
انزل وقول نعم ومتزعلش لو الدولة قفلت القنوات المحرضة زي on tv ودريم والنهار وcbc ... يا راجل أنت أصلا مكنتش بتتفرج عليهم والحمد لله أنهم سابولك قناة التت .
انزل وقول نعم بس أما تلاقي كل الجرايد اختفت ومبقتش تتطلع متقلقش دول قفلوها وكفاية عليك يا سيدي الثلاثي الوقح ( الأهرام – الأخبار – الجمهورية ) أو ممكن تسميهم الرباعي الوسخ لو ضفعت عليهم جريدة الحرية والعدالة .
انزل وقول نعم بس لما الدولة تجبرك أنت وكل سكان الشارع علي عمل معين ممكن يكون قص شجر الجنينة اللي جنبكوا متزعلش العمل القسري مجرم إلا فيما يقرره القانون ... ودا باه قانوني وأنا حر فيه اغسله واكويه .
انزل وقول نعم عشان كل المشايخ بيقولوا نعم أينعم أنت بتضرب بانجو وبتعاكس بنات في الشارع وبتتفرج علي قنوات القمر الأوربي ومتدخلش الجامع غير كل يوم جمعة بس الشهادة لله وقت الجد والانتخابات أنت دايما بتنتخب ربنا ... ربنا يقوي ايمانك يا شيخ .
انزل وقول نعم عشان اللي بيقولوا لا هما يا اما علمانيين أو يساريين أو نصارى كفار يعني وانت الحمد لله راجل مؤمن ومواطن شريف قد الدنيا .
انزل وقول نعم عشان أنت زعلت لما شلينا من عليك البردعة يوم 25 يناير أحنا اسفين يا سيدي أتفضل البس بردعتك براحتك أنت واحد عاوز يعيش حمار هنعمل لأهلك أيه ؟؟
انزل وقول نعم بس اما ربنا يكرمك ويجيلك التهاب كبدي وبائي وتتروح مستشفي حكومي عشان تعالجك مترضاش تصرفلك دواء وتقولك روح أتعالج علي حسابك أصلك من القادرين اللي بياخدوا 1500 جنيه في الشهر والدستور بيقولك العلاج لغير القادرين فقط.
انزل وقول نعم بس اما ظابط شرطة مخنس ياخدك القسم عشان شكلك مش عاجبه ويحتجزك 11 ساعة و 59 دقيقة من غير تهمة ولا امر ضبط وإحضار وميسمحلكش تكلم اهلك او تكلم محامي متجيش تشتكي ... الراجل بيمارس حق من حقوقه الدستورية .انزل وقول نعم بس أما الشرطة تدخل بيتك وتفتشه من غير إذن نيابة أو أمر قضائي وبعدين يقولك معلش اصله كان في حالة خطر في الشارع اللي جمب الشارع اللي وراكم متزعلش ... انه الدستور يا غبي .
انزل وقول نعم بس اما تلاقي دورية دقون في الشارع بتجري وراك بالسنج عشان ماشي مع خطيبتك مترحش القسم عشان تعمل محضر ... دول جماعة بيمارسوا حقهم الدستوري في تقويم المجتمع والحفاظ علي الطابع الأصيل للأسرة المصرية .
انزل وقول نعم بس اما تلاقي مرتبك له 10 سنين مش بيزيد فدا عادي صاحب الشركة اصله دارس قانون دستوري وبيطبق مبدأ ربط الأجر بالإنتاج .. انا عارف انك بتشتغل في شركة خدمية اصلا بس هو غلاسة وخلاص ونصيحة أخوية متفكرش تضرب عن العمل عشان أنت كده هتبقي ممتنع عن الانتاج وابقي قابلني باه لو خدت منه ابيض ولا اسود .
انزل وقول نعم بس لما مجلس النقابة بتاعتك يتحل عشان خطأ إجرائي في الانتخابات او انك تكون عامل مشاكل مع الناس اللي فوق ومتلاقيش تنظيم يدافع عنك ويقف في ضهرك متدورش علي حد عشان الدستور بيمنع التعدد النقابي .
انزل وقول نعم عشان نقدر نعرب العلوم يعني الطب والصيدلة هيبقوا بالعربي وهتبقي عنب يا معلم بس بعدين اما تروح للدكتور وتلاقيه بيعالجك بالأعشاب متتخضش هيعملك ايه يعني مهي كل الاكتشافات الطبية الجديدة اللي بيكتشفها الكفار الامريكان والأوربيين مكتوبة بالانجليزي .
انزل وقول نعم عشان الدولة تضمن التعليم المجاني بس ابقي قابلني لو عرفت تلزمهم بحاجة ... احنا قلنا نضمن يا استاذ محدش جاب سيرة الالتزام انت هتألف في الدستور كمان .
انزل وقول نعم عشان رئيس الجمهورية يبقي فرعون جديد لا راد لقضاءه ... عادي يعني انت مش طول عمرك بتقول علينا شعب فرعوني ايه المشكلة لما يحكمنا فرعون .
انزل وقول نعم بس متفكرش انك لو رحت تشتري دستة جاتوه من دار المدرعات واتخانقت مع الواد اللي بيلفلك الجاتوه عشان اداك كام حتة مفعصة ممكن الموضوع يعدي بسهولة ...ابسلوتلي دانت هتتحاكم عسكريا يا ملعم بتهمة التعدي علي منشات عسكرية والإضرار بالأمن القومي المصري وابقي خلي مني سيف تنفعك يا حلو .
انزل وقول نعم بس لما يبقي مرتبك 1500 جنية ومرتبك مدير الشركة 3 مليون جنيه متقرش عليه الراجل ملتزم بالحد الادني والحد الاقصي للأجور وسلملي علي الاستثناءات التي ينظمها القانون .
انزل وقول نعم بس لما السياحة تتأثر بدستور قندهار ده وعجلة الإنتاج المقدسة تفس متقلقش دلوقتي بابا خيرت وبابا المرشد هيجبلونا سياحة علاجية وسياحة دينية وسياحة حلال بدل السياح الكفار دول بس انت اصبر .
انزل وقول نعم ومتزعلش لو الدولة قفلت القنوات المحرضة زي on tv ودريم والنهار وcbc ... يا راجل أنت أصلا مكنتش بتتفرج عليهم والحمد لله أنهم سابولك قناة التت .
انزل وقول نعم بس أما تلاقي كل الجرايد اختفت ومبقتش تتطلع متقلقش دول قفلوها وكفاية عليك يا سيدي الثلاثي الوقح ( الأهرام – الأخبار – الجمهورية ) أو ممكن تسميهم الرباعي الوسخ لو ضفعت عليهم جريدة الحرية والعدالة .
انزل وقول نعم بس لما الدولة تجبرك أنت وكل سكان الشارع علي عمل معين ممكن يكون قص شجر الجنينة اللي جنبكوا متزعلش العمل القسري مجرم إلا فيما يقرره القانون ... ودا باه قانوني وأنا حر فيه اغسله واكويه .
انزل وقول نعم عشان كل المشايخ بيقولوا نعم أينعم أنت بتضرب بانجو وبتعاكس بنات في الشارع وبتتفرج علي قنوات القمر الأوربي ومتدخلش الجامع غير كل يوم جمعة بس الشهادة لله وقت الجد والانتخابات أنت دايما بتنتخب ربنا ... ربنا يقوي ايمانك يا شيخ .
انزل وقول نعم عشان اللي بيقولوا لا هما يا اما علمانيين أو يساريين أو نصارى كفار يعني وانت الحمد لله راجل مؤمن ومواطن شريف قد الدنيا .
انزل وقول نعم عشان أنت زعلت لما شلينا من عليك البردعة يوم 25 يناير أحنا اسفين يا سيدي أتفضل البس بردعتك براحتك أنت واحد عاوز يعيش حمار هنعمل لأهلك أيه ؟؟
