الدولة بتحارب الارهاب !

س: امبارح سمعت مدير المعهد القومي للكبد وهو بيقول ان اخر احصائية لمرضي الالتهاب الكبدي بلغت 10% من الشعب المصري .. هي وزارة الصحة بتعمل ايه ؟
ج : اتنيل الدولة بتحارب الارهاب .
س : مصر حصلت علي المركز الاخير في جودة التعليم الالزامي علي مستوي العالم هي فين وزارة التعليم ؟
ج : اتنيل الدولة بتحارب الارهاب
س : حوادث القطارات موقفتش رغم ان القطارات نفسها بتستهبل ولسه مشتغلتش بالكامل هو البيه وزير النقل مهاجر ولا حاجة ؟
ج : اتنيل الدولة بتحارب الارهاب
س : هي وزارة العدالة الانتقالية بتعمل ايه ؟
ج : اتنيل الدولة بتحارب الارهاب
س : وضع المرأة في مصر الأسوا عربيا طبقا لتقرير رويترز , مش احنا عندنا تقريبا حاجة اسمها المجلس القومي للمرأة ؟
ج : اتنيل الدولة بتحارب الارهاب .
س : هو ليه الدستور ابقي علي المحاكمات العسكرية للمدنيين وعلي تحصين الاجهزة الامنية والجيش من الرقابة مش دا برضه دستور الثورة ؟
ج : اتنيل الدولة بتحارب الارهاب
س : عدي 3 سنين ولسه مجبناش حق حد من اللي ماتوا تفتكر هنعرف نجيبه اصلا ؟
ج : اتنيل الدولة بتحارب الارهاب
س : فاضل 500 واحد بس يتقبض عليهم ويبقي كل اللي نزلوا في 25 يناير في السجن حضرتك ؟
ج : اتنيل الدولة بتحارب الارهاب .
يا اخي ... امك عي ام الارهاب قرفتني

لا للمحاكمات العسكرية للمدنيين

.