الجمعة، 25 فبراير 2011

اضحك مع القذافي


شر البلية ما يضحك وشر الحكام ما يثير السخرية هذا هو القرد معمر القذافي والذي بالتاكيد سيدخل التاريخ بخطابه الذي القاه في 22 فبراير للرد علي الثور والحق يقال فقد نجح الخطاب في قتل نصف الليبين .. قتلهم من الضحك وطبعا وكعادتنا نحن رواد تويتر لم نفوت الفرصة واقمنا للطاغية المجنون حفل سخرية عبقري ساعرض لكم ما شاركت به في الحفل :

- يخرب بيت امك يا ابن الهبلة مش عارف اركز من كتر الضحك

- القذافي " هادول اطفال شفتوا انتو واحد بشنب مشارك في الاحداث loooooooool

- القذافي"ستظل ليبيا قائدة لافريقا ولاسيا ولامريكا الجنوبية " ... ولغمرة والمهندسين عبود عبود

- القذافي للشعب اللييبي" انتم الملايين فاخرجوا فالمتمردين لا يزيدون عن 100 واحد "

- القذافي راح نوزع النفط وكل واحد ياخد حصته يتصرف فيها " نصيحة اللي مسافر ليبيا ياخد كيس معاه "

- القذافي"انا معي الملايين ومعي الله " تقصد المليارات يا ابن الحرامية

- ابن الهبلة ده عامل سلاح ف الجيش اسمه الظباط الاحرار اللي كان بيقول هيوزعهم علي القبائل

- شفت الحتة الاخيرة دي ولا عم دهب في افلام والت ديزني

- هو في كده في حد يستشهد بجرائم حرب مشهورة تاريخيا وكانه بيضرب مثل ببيت شعر يا ابن المجنونة

- بس حلو الكتاب اللي كان معاه ده اللي بيعاقب علي كل حاجة بالاعدام .. هو كله اعدام اعدام مفيش شتيمة

- خطاب لا يحتاج لمحلل سياسي لو انصفت القنوات الاخبارية لاستضافة محلل نفسي تخصص هبل

- تصحيح لوثيقة ويكيليكس اللي سربتها امبارح: القذافي هو اللي سرق الحشيش وشربه كله لوحده سيف كان قاعد بره الاوضه وعمل دماغ من الريحة بس

- القذافي: قاتلنا فرنسا وأمريكا والسادات وحبري وبورقيبة والنميري ومازينجر وعصابة القناع الاسود...انا قاهر القناع الاسود

- وزي ما عملنا صفحة للراجل اللي ورا عمر سليمان عايزين نعمل صفحة لعبفتاح اللي كان القذافي بينده عليه كل شوية

- الشعب الليبي مقمش بالثورة عشان الحرية والديموقراطية,الشعب قام بالثورة مطالبا بحقه في حبوب الهلوثة اللي القذافي بيشربها كلها لوحده

- بيقولك 170 طيارة كانت بتقصف بيت القذافي ... بس يا سيدي وقامت معيطة

- سيكتب التاريخ بحروف من نور ان القذافي في المساء افضل من 2 كيلو لب


مرسلة بواسطة غير معرف في 1:54 م

0 التعليقات:

إرسال تعليق

الاشتراك في: تعليقات الرسالة (Atom)